• Sale consultazion de biblioteche
La Biblioteche
"Bisogna che la Società Filologica Friulana sia dotata di una propria biblioteca di carattere speciale alla quale possano ricorrere tutti
gli studiosi della parlata e della letteratura friulana."

Giovanni Battista Corgnali, 1920
La biblioteche de Societât Filologjiche Furlane e je tal Palaç Mantica, in Vie Manin 18 a Udin.
Te sede di Gurize si pues consultâ il fonts bibliotecari di Dionigi Ussai.

La biblioteche e je vierte a ducj.

Oraris

Lunis             9.00-12.30 14.30-18.00
Martars          9.00-12.30 14.30-18.00
Miercus         9.00-12.30 14.30-18.00
Joibe              9.00-12.30 14.30-18.00
Vinars            9.00-12.30 14.30-18.00
Sabide                       sierât


Referente:

Katia Bertoni
tel. 0432 501598 int. 2
mail: biblioteca@filologicafriulana.it

Sale consultazion
de Biblioteche,
i archivis al prin plan
e i archivis al plan
in tiere cu lis scansiis compatabilis

    • <!--01-->Sale consultazion
    • <!--02-->Archivis al prin plan
    • <!--03-->Archivis cun lis scansiis compatabilis al plan in tiere

SERVIZIS


Sale Consultazion

La biblioteche e à une sale cun 14 puescj par sentâsi par consultâ il materiâl bibliografic in sede. Te sale a son a disposizion volums che si puedin consultâ cence la mediazion dal personâl. Te sale consultazion si puedin doprâ computers portatii personâi, che si puedin tacâ gratis te rêt eletriche de biblioteche. Di dutis lis postazions si pues colegâsi a internet cuntune conession Wireless.
 
Assistence ai utents inte sede
Il personâl de biblioteche al è a disposizion dai utents par judâju tes diviersis fasis de ricercje e de consultazion dai materiâi e dai catalics, ma ancje par judâju a definî i percors di ricercje.

Prestit
La biblioteche e ufrìs un servizi di prestit libar e gratuit par ducj, daûr di ce che al stabilìs il so regolament.

Riproduzions
Daûr des normis su la tutele dai dirits di autôr, la biblioteche e permet di fotocopiâ, cun finalitâts personâls e di studi, il so materiâl bibliografic. Il servizi di fotocopiis al è a paiament e lis tarifis a son chestis:
  • 1 fotocopie A4 blanc e neri      € 0,10
  • 1 fotocopie A3 blanc e neri      € 0,20

Document delivery
La biblioteche e ufrìs il servizi di document delivery, ven a stâi che si riprodusin e si mandin, tal formât che si concuarde cul utent, i documents che l’utent stes al domande.
 
Postazion Internet
Te biblioteche e je une postazion par jentrâ in internet, daûr des normis dal regolament.

Postazion Videoteche
Te biblioteche e je une postazion par consultâ in sede di DVDs, CD-Roms e CDs musicâi.
Fâs cognossi
Leams