Fonts Cartulinis

Tal fonts cartulinis de Societât Filologjiche Furlane a son cartulinis storichis dai prins decenis dal Nûfcent. Za tai prins agns dopo de sô fondazion, la Societât Filologjiche Furlane e à promovût la racuelte di cartulinis di diviersis zonis dal Friûl. A cheste racuelte a àn contribuît i amîs e i socis de Societât che a àn scoltât i apei che a vignivin publicâts su la riviste sociâl Ce fastu?. Tai agns dopo la colezion e cressè inmò e si tacà a tignî un elenc dai nons des localitâts che a jerin rapresentadis tes cartulinis e di cui che lis veve regaladis. Si le indenant a tirâ dongje cartulinis fin ai agns Trente.
Ore presint tal fonts, che al è un dai plui grancj e dai miôr conservâts di dute la regjon, a son 1.589 cartulinis di 84 localitâts (viôt la liste), cuasi dutis spedidis.

In gracie de poie de Fondazion CRUP, il fonts al è stât catalogât e digjitalizât.

Cemût si cirino lis cartulinis tal fonts?

Clicâ su "Cîr tal catalic in linie" par vierzi il catalic dal fonts.

Se si  dopre il boton "Ricercje semplice", si fâs une ricercje su ducj i elements che a formin la schede fotografiche.

Si puedin domandâ lis fotografiis che a interessin (scjariâ e consultâ il Regolament e compilâ la declarazion par l'ûs des cartulinis ).



Cu la poie di:

   

Cîr

Ricercje semplice
Scrivêt il test che o volês cirî e strucait il boton "CÎR".

Esempli: guerra gorizia: e cjate dutis lis notiziis che a àn dentri tal stes moment la peraule “guerra” e la peraule “gorizia”

Sielzûts par voaltris