Fonts fotografic Pellis


Tal fonts fotografic Pellis de Societât Filologjiche Furlane a son 7.156 negatîfs, su lastre e su pelicule.
Lis fotografiis lis à fatis Ugo Pellis ator par dute la Italie e in cualchi zone de Slovenie e de Cravuazie tra il 1925 e il 1942, pes rilevazions dal Atlant lenghistic talian.

Lis fotografiis di Pellis a vuelin documentâ, a àn la intenzion di mostrâ con precision i temis che a saltavin fûr tes rilevazions lenghistichis.
Dal pont di viste iconografic, e ven rapresentade une Italie che trente agns dopo e sarès sparide, menade vie dal boom economic e de industrializazion che e je scomençade subit dopo de fin de Seconde Vuere Mondiâl.

In dì di vuê, cuasi otante agns dopo, chestis fotografiis, che a fissin un contest che aromai al è comprometût cuasi dal dut, a àn un valôr storic e documentari incalcolabil.

Stant che e jere consapevule de impuartance storiche e multidissiplinâr di chest patrimoni, la Societât Filologjiche Furlane, cu la poie de Fondazion CRUP, e à catalogât e digjitalizât dut il corpus documentari. Fasint cussì, si à garantît doi risultâts: di une bande si à metût a salvament il materiâl origjinâl in gracie di une riproduzion digjitâl a altissime definizion des lastris e des peliculis, di chê altre bande si permet che ducj a gjoldin di chest patrimoni midiant de condivision in linie de dutis lis lastris e di dutis lis peliculis.

Cemût si cirino lis fotografiis tal fonts?

Clicâ su "Cîr tal fonts fotografic" par vierzi il catalic dal fonts.

Se si dopre il boton "Ricercje semplice", si fâs une ricercje su ducj i elements che a formin la schede fotografiche.

Si puedin domandâ lis fotografiis che a interessin (scjariâ e consultâ il Regolament e compilâ la declarazion par l'ûs des fotografiis.)


Cu la poie di:

Cîr

Ricercje semplice
Scrivêt il test che o volês cirî e strucait il boton "CÎR"

Esempli: udine mercato: e cjate dutis lis notiziis che a àn dentri tal stes moment la peraule “udine” e la peraule “mercato”

Sielzûts par voaltris