Giovanni Napoleone Pellis. I dissens
Giovanni Napoleone Pellis al è cognossût soredut come pitôr di paisaçs. In efiets, viodint dutis lis sôs oparis, si cjate ancje une produzion divierse e insiorade di altris tematichis: cussì e je ancje la sô produzion di dissens.
Il progjet al nas dopo che a son stâts cjatâts cetancj dissens, mai o di râr publicâts o metûts in mostre.
I dissens di chest artist, calcolâts tant che espression minôr se sô art o a ûs di lavôr fat prime de piture, a son un document une vore impuartant par capî la opare e il stîl dal mestri furlan.
I passe cent dissens, conservâts intune colezion privade, a son stâts catalogâts e metûts on line sui sîts de Societât Filologjiche, de Fondazion Friuli e dal Comun di Feagne che a àn condividût e sostignût il progjet.
La preziose racuelte di dissens e cjape dentri oparis fatis a “sanguigna”, “carboncino”, chine acquerelade, tempere, pastel e matite. Cetancj a son i ritrats, i studiis su l’art sacre, lis viodudis di citâts, i paisaçs di montagne e senis di vite di ogni dì che a àn ancje un caratar etnografic e di documentazion, interès che Pellis al à puartât indenant cun costance. Di fat il Pellis al è stât amì di Michele Gortani; cun lui al à spartît i câs che a àn puartât a la nassite dal Museu di Arts e Tradizions Popolârs di Tumieç. Intal catalic on line si cjatin ancje altris oparis di chest artist, conservadis intes colezions dai Istitûts interessâts.

Par savê di plui su la vite e lis oparis di Giovanni Napoleone Pellis viôt la schede bio-bibliografiche (Giovanni Napoleone Pellis vite e oparis)

Cemut si cirino i dissens inte racuelte?

Clicâ su "Cîr inte racuelte dai dissens" par vierzi il catalic de racuelte.
Se si dopre il boton "Ricercje semplice", si fâs une ricercje su ducj i elements che a formin la schede dal dissen.




Cu la poie di:

           

Cîr

Ricercje semplice
Scrivêt il test che o volês cirî e strucait il boton "CÎR"

Esempli: ritratto sanguigna: e cjate dutis lis notiziis che a àn dentri tal stes moment la peraule “ritratto” e la peraule “sanguigna”

Sielzûts par voaltris