• Il Numar Unic presentât al Congrès di Martignà ai 2 di Otubar dal 2016
Congrès sociâl
"A duta la Furlania, Furlans di ca e di là dal Tiliment, Furlans di Ciargna, Furlans de la Bassa..."
Pier Silverio Leicht
Congresso di Spilimbergo, 1926
Al è un apontament aromai tradizionâl par dute la Furlanie, il Congrès, une tradizion simpri gnove e un plasê chel di cjatâsi come in famee, par cognossi miôr la nestre tiere, par presentâ ce che la Societât Filologjiche e à fat, ce ch’e je daûr a fâ, e ce ch’al è di fâ pal doman.
In chê ocasion si presente il Numar Unic, ven a stâi un volum cun cetancj intervents di caratar storic, lenghistic, artistic, leterari e sociâl che a àn ce fâ cu la localitât che e da acet al Congrès: chê dai Numars Unics e je une schirie fondamentâl di studis che, un an dopo chel altri, a insiorin la culture furlane.

Il 93n Congrès sociâl si è tignût domenie ai 2 di Otubar dal 2016 a Martignà.
In gracie de buine colaborazion cu la Aministrazion comunâl, e je stade une grande partecipazion di bande dal public intal Auditorium “Impero”.
Al è stât presentât il Numar Unic Martignà, par cure di Carlo Venuti, ch’al met dongje in plui di 900 pagjinis i contribûts di 70 autôrs sui temis leâts al teritori, ae storie, a l’art, ae lenghe, ae societât e ae economie.

Pal 2017 l’apontament al sarà a Mueç domenie ai 24 di Setembar.

Cualchi moment dal 93n Congrès de Societât Filologjiche Furlane a Martignà, al 2 di Otubar dal 2016 (Foto Viola - Mortean)
    • Autoritâts sul palc dal Auditorium Impero
    • Cjaminade cul compagnament de Filarmoniche Leonardo Linda di Nearêt di Prât
    • Il president Vicario al consegne il Numar Unic al Sindic di Martignà Zanor
    • Intervent de presidente de Regjon Debora Serracchiani
    • Interviste al president de Societât Filologjiche Federico Vicario
    • Sante Messe intal Domo di Sante Marie Sunte
    • Scurt de platee
    • Scurt de platee
    • Un moment dal Congrès intal Auditorium Impero
Fâs cognossi
Leams