• Il Numar Unic "Colorêt"
Congrès sociâl
"A duta la Furlania, Furlans di ca e di là dal Tiliment, Furlans di Ciargna, Furlans de la Bassa..."
Pier Silverio Leicht
Congresso di Spilimbergo, 1926
Al è un apontament aromai tradizionâl par dute la Furlanie, il Congrès, une tradizion simpri gnove e un plasê chel di cjatâsi come in famee, par cognossi miôr la nestre tiere, par presentâ ce che la Societât Filologjiche e à fat, ce ch’e je daûr a fâ, e ce ch’al è di fâ pal doman.
In chê ocasion si presente il Numar Unic, ven a stâi un volum cun cetancj intervents di caratar storic, lenghistic, artistic, leterari e sociâl che a àn ce fâ cu la localitât che e da acet al Congrès: chê dai Numars Unics e je une schirie fondamentâl di studis che, un an dopo chel altri, a insiorin la culture furlane.

Il 95n Congrès sociâl si è tignût domenie ai 7 di Otubar dal 2018 a Colorêt.
In gracie de buine colaborazion cu la Aministrazion comunâl, e je stade une grande partecipazion di bande dal public intal Centri polifunzionâl di Mels.
Al è stât presentât il Numar Unic Colorêt, par cure di Carlo Venuti, ch’al met dongje in 875 pagjinis i contribûts di plui di 60 autôrs su temis leâts al teritori, ae storie, a l’art, ae lenghe e leteradure, ae societât e ae economie.

Pal 2019, an dal Centenari de Societât Filologjiche, l’apontament cul Congrès numar 96 al sarà a Udin.

Cualchi moment dal 95n Congrès de Societât Filologjiche Furlane a Colorêt, al 7 di Otubar dal 2018 (Foto Viola - Mortean)
    • 1. Il bon acet de Filarmoniche di Mels
    • 2. La taule dai reladôrs
    • 3. Il public in sale
    • 4. Il public in sale
    • 5. Il public in sale
    • 6. Intervent di Roberto Molinaro
    • 7. Intervent di Gian Camillo Custoza
    • 8. Il President de Societât Filologjiche al consegne il Numar Unic al Sindic di Colorêt
    • 9. Ricognossiment al professôr Gianfranco Ellero
    • 91. Salût dal Assessôr Regjonâl Graziano Pizzimenti
    • 92. Salût dal President dal Consei Regjonâl Piero Mauro Zanin
    • 93. Il Sindic di Colorêt i passe la bandiere de Societât Filologjiche al Sindic di Udin
Fâs cognossi
Leams
© - Società Filologica Friulana - CF 80010510305 - PIVA 00663830305 - info@filologicafriulana.it