Rivistis
    • Ce fastu
    Ce fastu?
    Il titul di cheste publicazion, che prin si clamave Bollettino della Società Filologica Friulana (dal 1920), al ricuarde il toc dal De vulgari eloquentia (I, 11) là che Dante al fevele des carateristichis lenghistichis de regjon furlane.

    "Ce fastu?" al è une riviste di impostazion e contignûts sientifics. Al ven fûr ogni sîs mês e al è rivât ae sô 92e anade. Al cjape dentri lavôrs e contribûts dai miôr specialiscj di lenghistiche, filologjie, tradizions popolârs, storie e art che a studiin la identitât etniche e culturâl dal Friûl. 
    Il diretôr al è il prof. Giovanni Frau.
    Il Comitât di redazion al è componût di Silvano Cavazza, Caterina Furlan, Hans Goebl, Gian Paolo Gri, Ulrike Kindl, Luca Melchior, Gian Carlo Menis, Mauro Pascolini, Fulvio Salimbeni, Andrea Tilatti, Laura Vanelli, Federico Vicario.
    La segretarie di redazion e je Elena De Sanctis.

    Par ducj i socis, i fassicui a son a disposizion te sede de Societât Filologjiche Furlane.
    Si puedin ancje comprâ fassicui o numars vecjos (par informazions info@filologicafriulana.it).

    "Ce fastu?" al è inserît te liste europeane ERIH PLUS (European Reference Index for the Humanities and Social Sciences).

    ISSN 1828-4302

    Al è in preparazion il numar 1-2 dal 2018.

    • Sot la Nape
    Sot la Nape
    Il Sot la Nape al ven publicât dal 1949 e, di chê volte incà, al à ancje la funzion di Boletin de Societât.
    Al salte fûr une volte ogni trê mês, al à un implant gjoldibil e al vûl fâur rivâ a ducj i socis contribûts divulgatîfs su aspiets de storie, de lenghe e de culture furlane. Al è insiorât cuntune vore di riproduzions e imagjins a colôrs.
    Il diretôr de riviste al è Nicola Saccomano.
    Il Comitât di redazion al è componût di Gianni Colledani, Loreta de Fornasari, Ermanno Dentesano, Cristina Di Gleria, Roberto Frisano, Enrica Scorza, Egle Taverna.
    La segretarie di redazion e je Elena De Sanctis.

    La riviste ur ven mandade a ducj i socis de Societât Filologjiche Furlane.
    Si puedin ancje comprâ fassicui singui o numars vecjos.  

    ISSN 1120-8961

    Al è in preparazion il numar 4/2018.
    Fâs cognossi
    Leams
    • Strolic Furlan pal 2019
    Strolic Furlan

    Publicazion anuâl. Publicât dal 1920 incà, il "Strolic Furlan" al va daûr de grande tradizion furlane dai lunaris. Lizêr e variât, al presente storiis curtis, riflessions e fats de vite di ogni dì.

    Ai 24 di Novembar dal 2018 il prof. Angelo Floramo al à presentade la edizion pal 2019, par cure di Dani Pagnucco.

    Il "Strolic" ur ven mandât a ducj i socis de Societât Filologjiche Furlane.
    Si puedin ancje comprâ fassicui singui o numars vecjos.

    ISSN 1120-916X


© - Società Filologica Friulana - CF 80010510305 - PIVA 00663830305 - info@filologicafriulana.it