• Furlan a scuele
Cors di formazion par insegnants
I cors par insegnants de Societât Filologjiche Furlane a son acreditâts dal Ufizi Scuelastic Regjonâl
pal Friûl Vignese Julie. I incuintris
si davuelzin come seminaris e a son organizâts in diferentis sedis dal Friûl.
I cors di formazion par insegnants organizâts de Societât Filologjiche Furlane a son acreditâts dal Ufici Scuelastic Regjonâl pal Friûl Vignesie Julie daûr de Diretive Ministeriâl nr. 90 dal 1n di Dicembar dal 2003 (Decret dd. 16.06.2009) e a son realizâts te suaze dal programe di Promozion Sociâl de Regjon Autonome Friûl Vignesie Julie.
A son ricognossûts come titul culturâl par jessi ametûts te Liste regjonâl dai insegnants cun competencis di lenghe furlane (L.R. 29/2007).
Il certificât di partecipazion i ven dât a cui che al frecuente almancul il 70% des oris di lezion.

I modui principâi a son chescj:

Cors di base di formazion e di inzornament di Lenghe e culture regjonâl
Il cors al vûl svilupâ lis cognossincis di base de lenghe, ma si proponin ancje nozions di didatiche de lenghe furlane, di storie e di culture dal Friûl.

Cors di Lenghistiche furlane
Il cors al vûl promovi la cognossince des carateristichis di fonde de lenghe furlane (storie de lenghe, morfologjie, sintassi, fonologjie, semantiche, lenghistiche comparade, toponomastiche).

Cors di Musiche dal Friûl 
Il cors al vûl dâur ai partecipants une cognossince di base de musiche corâl furlane, massime di chê par fruts e par fantats, midiant di ativitâts di laboratori, nozions di musiche corâl e une selezion di autôrs e di tocs.

Cors di Storie dal Friûl
Il cors al vûl promovi la cognossince de storie dal Friûl, des origjins fin al dì di vuê, midiant di une analisi comparade cu la storie dal rest dal continent. Si met a disposizion des personis che a frecuentin il cors une selezion inzornade di fonts bibliografichis e une serie di propuestis par itineraris di studi e par visitis di istruzion pes scuelis de regjon.

Cors di Tradizions popolârs dal Friûl
Il cors al vûl dâur ai partecipants un pocjis di clâfs di leture e di propuestis didatichis pal setôr des tradizions popolârs. Dongje dal percors di inzornament su lis tradizions popolârs furlanis, sui struments di ricercje e di documentazion, si propon un laboratori didatic là che si metin in pratiche lis nozions che si à imparât.

I incuintris si davuelzin come seminaris e si previôt di fâ ativitâts di laboratori. Lis sedis dai cors si stabilissin daûr dal numar di iscrizions. Par ducj i cors si avalisi de colaborazion dai Istitûts comprensîfs dal puest, che a metin a disposizion i locâi.

La Societât e je disponibile a organizâ, a spesis dal Istitût, ancje cors su argoments specifics de lenghe e de culture furlane. I cors di cheste fate a puedin vê une durade variabile.

Referente:
Elena De Sanctis
tel. 0432 501598 int. 3
mail: formazione@filologicafriulana.it

Ativitâts didatichis in marilenghe:
lenghe furlane a scuele

    • Ativitâts didatichis in marilenghe
    • Ativitâts didatichis in marilenghe
    • Ativitâts didatichis in marilenghe

Fâs cognossi
Leams