Cors pratics di lenghe furlane

E scomence la edizion 2023 dai Cors pratics di lenghe e culture furlane, inmaneâts de Societât Filologjiche Furlane cu la colaborazion fondamentâl dai Comuns dal Friûl. 
Tai Cors pratics si studiin la gramatiche e la grafie de lenghe furlane, cun chê che si lei e si scrivi simpri di plui in marilenghe. Si fevele ancje dai aspiets storics, culturâi, leteraris e des tradizions popolârs. Propit cun chest fin, in armonie cui cors, si organizin lezions viertis (ven a stâi conferencis là che a puedin partecipâ ducj) e visitis guidadis in lûcs de regjon che a àn un interès storic e artistic particolâr.

Lis lezions, par un totâl di 26 oris, a son viertis a ducj, a gratis, cence limits di etât. Nol covente un titul di studi specific ni une cognossince preliminâr dal furlan, fûr che pai cors di nivel intermedi.

L'atestât di frecuence al ven dât a cui che al frecuente almancul il 70% des oris di lezion e al è titul culturâl par jentrâ te Liste regjonâl di insegnants cun competencis di lenghe furlane.

I Cors pratics di lenghe e culture furlane a son un progjet finanziât de ARLeF Agjenzie Regjonâl pe Lenghe Furlane e de Regjon Autonome Friûl - Vignesie Julie.

Par iscrivisi bisugne scjariâ il model di iscrizion dal download chi in bande, compilâlu  e mandâlu al Comun sede dal Cors che si vûl frecuentâ. 

***

 Liste des localitâts sede di Cors pratic, cun indicazion di oraris e lûcs (calendaris in definizion):

• Cjopris Viscon - il cors, tignût dal siôr Michele Calligaris, al scomence miercus ai 27 di Setembar, orari 8-10 di sere, te sale dal Consei comunâl
Info e iscrizions tel. 339 1784916
Discjame la locandine chi in bande

• Codroip – il cors, tignût dal prof. Gotart Mitri, al scomence lunis ai 9 di Otubar, orari 8.30-10.30 di sere, in Biblioteche, vie 29 Ottobre 3
Info e iscrizions biblioteca@comune.codroipo.ud.it
tel. 0432 824630
Discjame la locandine chi in bande

• Manià - lis lezions dal cors, tignût de dot. Annalisa Gasparotto, a son di sabide, orari 3-5 dopomisdì, te sale de biblioteche 
Info: biblioteca@maniago.it
tel. 0427 730016
Discjame la locandine chi in bande

• Mortean - il cors, tignût de dot. Serena Fogolini, al scomence miercus ai 4 di Otubar, orari 8.30-10.30 di sere, te sale Eisenhower dal Municipi 
Info e iscrizions tel. 0432 760079
Discjame la locandine chi in bande

• Romans dal Lusinç - il cors, tignût dal siôr Michele Calligaris, al scomence martars ai 26 di Setembar, orari 8-10 di sere, te sale dal Consei comunâl
Info e iscrizions tel. 0481 966904 / 0481 90555
Discjame la locandine chi in bande

• Ruvigne - il cors, tignût dal prof. Giorgio Gianfranco Pascoli, al è scomençât ai 21 di Setembar. Lezions di joibe, orari 5.30-7 dopo misdì, te sale de gnove biblioteche (vie Rome in Vile)
Info e iscrizions gjorgjopascui@katamail.com
tel. 389 0860561
Discjame la locandine chi in bande

• San Denêl - il cors, tignût dal prof. Giorgio Gianfranco Pascoli, al è scomençât ai 19 di Setembar. Lezions di martars, orari 6-8 di sere, te sale ex consiliâr di vie Garibaldi
Info e iscrizions gjorgjopascui@katamail.com
tel. 389 0860561
Discjame la locandine chi in bande

• San Vît dal Tiliment - il cors, tignût dal siôr Eddi Bortolussi, al scomence sabide ai 30 di Setembar a 4 dopomisdì, te sale dal Consei dal Municipi
Discjame la locandine chi in bande

• Sopula - il cors, tignût dal dot. Flavio Vidoni, al è scomençât ai 13 di Setembar. Lezions di miercus, orari 8-10 di sere, tal Centri "A. Pasquini", vie L. Da Vinci 4
Info e iscrizions: biblioteca@comune.zoppola.pn.it; eventi@comune.zoppola.pn.it
Tel. 0434 979947 - 0434 577526
Discjame la locandine chi in bande

• Spilimberc - il cors, tignût dal prof. Gotart Mitri, al scomence miercus ai 11 di Otubar, orari 5-7 di sere, li da la Cjasa dal Student
Info e iscrizions cultura@comune.spilimbergo.pn.it
tel. 0427 591115 / 591116
Discjame la locandine chi in bande

• Tumieç - il cors, tignût de dot. Serena Fogolini, al scomence joibe ai 12 di Otubar, orari 8-10 di sere, te sale multimediâl di Palaç Frisacco 
Info e iscrizions cultura@comune.tolmezzo.ud.it
tel. 0433/487961-7987-7988-7486
Discjame la locandine chi in bande

• Udin - il cors, tignût dal dot. Flavio Vidoni, al è scomençât ai 15 di Setembar. Lezions di vinars, orari 5-7 di sere, te nestre sede di vie Manin 18, salon al prin plan. Nivel intermedi, risiervât a cui che al à za frecuentât un Cors pratic di lenghe e culture furlane
Info e iscrizions formazione@filologicafriulana.it 
tel 0432 501598 int. 3
Discjame il calendari chi in bande

Altris cors a son in program a Aquilee, Cjampfuarmit, Gurize, Reane dal Roiâl, Sarvignan, Tavagnà, Voleson Darzin. Info in curt!