Dopo il sucès des edizions stadis, une gnove Setemane de culture furlane si tignarà dai 4 ai 14 di Mai dal 2017 in tantis localitâts des provinciis di Udin, Pordenon, Gurize, Belum, Trevîs e Vignesie. La rassegne, rivade ae IV edizion, e je une grande vitrine pe furlanetât, cun plui di 120 apontaments che a rivuardin la storie, lis tradizions, il teritori, l'art, la lenghe e la musiche de nestre Tiere.
Un grant lavôr pe Societât Filologjiche Furlane, ch'e rinfuarce un progjet di colaborazion cun plui di 130 associazions culturâls, grups corâi e teatrâi, plêfs e parochiis, museus, prolocos, scuelis e istitûts comprensîfs. La Setemane e à il patrocini dal Ministeri pai Bens Culturâi e dal Turisim, de Regjon autonome Friûl Vignesie Julie e dal Consei Regjonâl, de provincie di Udin e des provinciis di Belum, Trevîs e Vignesie, di plui di 60 comuns, des Arcidiocesis di Gurize e di Udin e de Diocesi di Concuardie-Pordenon. Fondamentâl al è il jutori des bancjis di Credit Cooperatîf dal Friûl e des Fondazions Friuli e Carigo.
Il calendari complet e i programs des iniziativis si puedin consultâ sul sît internet
www.scf2017.it, là che, in gracie des funzions di gjeolocalizazion, si puedin viodi ancje la cjartine cui events e i percors par rivâ.
Al link chi sot si pues discjamâ il program in formât PDF.