Strolic Furlan

Publicazion anuâl.
Publicât dal 1920 incà, il Strolic al va daûr de grande tradizion furlane dai lunaris. Lizêr e variât, al presente storiis curtis, riflessions e fats de vite di ogni dì.

Il teme dal Strolic Furlan pal 2022, rincurât di Dani Pagnucco, al è IIustradôrs e ilustradoris contemporanis in Friûl

288 pagjinis di contis insioradis, in cuviertine e mês par mês, dai “colôrs da la sperance” di grafics e ilustradôrs furlans che a àn fate furtune fûr dai confins de regjon.

La cuviertine e je di Federica Pagnucco, la cuarte di cuviertine di Alessandra D’Este. I artiscj che a àn colaborât a son ancje Emanuele Bertossi, Alessandra Cimatoribus, Oriana Cocetta, Sara Colautti, Alessandro D’Osualdo, Maria Ellero, Annalisa Gasparotto, Barbara Jelenkovich, Anna Mattiuzzo, Marisa Moretti, Pietro Nicolaucich, Silvia Pignat, Luisa Tomasetig, Pia Valentinis. La introduzion artistiche e à la firme di Gabriella Bucco.
Tra i tancj colaboradôrs a son ancje i arlêfs dai cors pratics di lenghe furlane, che in tancj a scrivin te lôr varietât, e i emigrâts furlans che ogni mês nus regalin une lôr conte.

Come ogni an, al è stât realizât ancje il Lunari pal 2022, stampât cul jutori di Civibank, che al presente il stes implant iconografic dal Strolic.

Cun di plui e je stade inmaneade la mostre itinerant “Ilustradoris e ilustradôrs contemporanis in Friûl”, par cure di Gabriella Bucco e Dani Pagnucco.

La segretarie di redazion e je Elena De Sanctis (mail: formazione@filologicafriulana.it).

Il Strolic ur ven mandât a ducj i socis de Societât Filologjiche Furlane.
Si puedin ancje comprâ fassicui singui o numars vecjos (par informazions: info@filologicafriulana.it).

Dutis lis anadis dal Strolic a son stadis digjitalizadis e si puedin consultâ in rêt fracant culì: Strolic furlan in linie

ISSN: 1120-916X

Al continue la tradizion dai lunaris popolârs furlans lassant puest a lis varietâts dal teritori.

Iscriviti ae Newsletter

Ti informarìn sui events. Tu ricevarâs lis gnovis de Societât Filologjiche Furlane. Tu podarâs prenotâ lis nestris publicazions.
Iscriviti