Cul 2025 e scomence une gnove aventure formative indreçade a ducj i docents dai cors pratics di lenghe e culture furlane de Societât Filologjiche Furlane e a ducj i insegnants in servizi che salacor a podaressin jessi interessâts a slargjâ la scuadre dai docents dai cors pratics!
In gracie di 9 incuintris, dai 23 di Zenâr ai 27 di Març, i partecipants a podaran cognossi miôr aspiets peâts a storie, toponomastiche, leterature, musiche e tradizions popolârs dal Friûl. I incuintris si tignaran des 5 e mieze daspò misdì aes 7 e mieze di sere, te sede de Societât Filologjiche Furlane e in linie daûr dal program che si pues discjamâ tal link in cheste pagjine o ben sul sît dal Docuscuele fracant achì.
Lis regjistrazions a vignaran cjamadis te plateforme moodle de formazion de Societât Filologjiche, li che si cjataran ancje i esercizis e la bibliografie des lezions.
La partecipazion e je sore nuie. Si domande une buine cognossince de lenghe furlane. Ae fin, a ducj i partecipants ur vignarà dât fûr un atestât di frecuence dal cors di formazion, increditât daûr des Liniis Vuide MIUR , par un totâl di 26 oris.
Il percors formatîf al è inmaneât de Societât Filologjiche Furlane, in colaborazion cul Docuscuele e cul finanziament de ARLeF - Agjenzie Regjonâl pe Lenghe Furlane.