Nus à lassâts il mestri Lucio Peressi, Luzio di Cjandit, benemerit de Societât Filologjiche. Ferbint difensôr de lenghe e de culture furlane, si è simpri impegnât a pro dal insegnament dal furlan inte scuelis, pai museus etnografics sul teritori e pe Universitât dal Friûl.
Inte foto parsore lu viodìn tal mieç dai "siei" fruts dilunc di un event fat tal 2009 par celebrâ i 90 agns de Societât Filologjiche.
Il mestri Perès al à ancje vût donât ae Filologjiche la sô documentazion su la storie de scuele furlane, che e je conservade de nestre Biblioteche cul non di Archivio Peressi.
Par memoreâlu us proponìn un percors bibliografic tirât fûr des rivistis furlanis, une cerce di articui che a pandin il so grant impegn pal Friûl: par jentrâ tal percors fracait achì.