La Comission Formazion de Societât Filologjiche Furlane e inmanee un cicli di lezions di inzornament pai insegnants di furlan, viertis a ducj ju interessâts. Lis conferencis si tignaran li de sede de Filologjiche, in vie Manin 18 a Udin, aes sîs sore sere, daûr di chest calendari: vinars 2 di fevrâr dal 2007 il prof. Adrian Cescje al vierzarà lis lezions cuntun intervent su La propueste de Comission dai obietîfs didatics dal Arlef di une leç regjonâl pal insegnament dal furlan a scuele. La conference di lunis 5 di març e sarà presentade de dot. Alessandra Burelli e e varà la intitule La formazione degli insegnanti di friulano. Lunis 16 di avrîl il dot. Franco Finco al tignarà une conversazion su I nomi di luogo del Friuli: storia, geografia e lingua; l'ultin apontament al è par vinars 11 di mai cul dot. Stefano Morandini, che al cjacararà di Introduzione all'antropologia. I incuintris a son vierts a ducj; informazions li dal Ufici Formazion de Societât Filologjiche Furlane (tel. 0432/501598).