Il Nadâl a Gonârs al puarte ancje la ocasion par scuvierzi alc di curiôs e di golôs su la nestre tiere e su la int che e je a stâ chenti: l’homo furlanus.
Lunis ai 15 di Dicembar, aes 8 e mieze di sere, intal tendon te place dal Comun, l’incjantadôr Angelo Floramo nus fasarà fâ un viaç dentri di lûcs, storiis e tradizions dal nestri Friûl, in gracie de sô Guida del Friuli per veri friulani.
Jentrade sore nuie e ghiringhel ae fin de presentazion.
Apontament par cure dal Assessorât ae Culture e Pro Loco di Gonârs, in colaborazion cun biblioteche, Sportel associât pe lenghe furlane, Societât Filologjiche Furlane, cul finanziament de Regjon Autonome Friûl Vignesie Julie.