I furlans a’ disin cucjarìn o guciarìn ancje s’a podaressin dî sedonute, parcé che àn imparât a bevi il cafè dai venezians, e cussi àn cjapât-su la peraule veneziane che indiche la sedonute dal cafè o dal zucar. Alc dal gjenar al è sucedùt ancje in Gjapon, dolà che la mignestre si le mangje cui ’spoon’, second l’usance (e la lenghe) ocidentâl, ma il tè, il sâl o altris sostanzis de tradizion local si jù dopre cul ’sagi’, la nestre sedon. Al presint la peraule inglese ’spoon’ ’e à cjatât el so puest, te lenghe gjaponèse, dongje dal «sagi», come il cucjarin dongje la sedon. Alore si puès dì che dut el mont al è paîs!
Shinji Yamamoto ae "Frae de Vierte" di Marian tal 1992 (giavât di G. Ellero,
La Frae di Marian, «Sot la Nape» 49 (1992), n. 3, pp. 85-87).
Chest al è un dai tancj intervents che il prof. Shinji Metodio Yamamoto de Universitât di Tokyo al à fat tes manifestazions e tai cors de Societât Filologjiche Furlane.
Shinji al è mancjât ai 9 di Fevrâr. Al jere nassût a Osaka tal 1962. Al veve vivût in Friûl tal 1990-1992 e al veve studiât il furlan in Filologjiche tant che al jere deventât mestri de marilenghe intai cors pratics de Societât. Al à scrit sul furlan e lu à insegnât ancje in Gjapon.
Lu ricuardìn cun afiet ancje cuntun dai siei scrits sul «Strolic furlan» che o podês cjatâ
fracant culì.