Sot la crete di Germule si platin contis e sonoritâts che Elia Ferigo e à cjapât sù ator pes cjasis e pes frazions e che cumò si cjatin dentri di cheste publicazion in paularin, che e rapresente un spieli de vite e des tradizions dal paîs tai agns stâts.
Dongje des storiis, une vore sauridis e scletis, si cjate ancje un repertori lessicâl fondamentâl pal studi de varietât furlane di Paulâr.
Il libri, publicât de Societât Filologjiche Furlane inte golaine Agâr, si lu presente in colaborazion cul Comun di Paulâr.
E fevele cu la autore Cristina di Gleria. Esibizion dal Trio “Cence scarpez” cun musichis tradizionâls dal puest.