Il Docuscuele, Centri regjonâl di documentazion ricercje e sperimentazion didatiche pe scuele furlane, al promôf la tierce edizion in linie su plateforme Moodle dal cors di lenghe furlane par insegnants di ducj i ordins di scuele.
Il cors al vûl dâ ai docents lis competencis necessariis di gramatiche – fonologjie, morfologjie e sintassi – par podê doprâ in maniere juste la lenghe furlane scrite e al sarà insiorarât ancje di elements di storie de lenghe, semantiche, linguistiche comparade, toponomastiche, storie dal Friûl.