Gio Di Qual e Gio Di Luca a son i autôrs dal fumet che al à vinçût il Premi "San Simon" di Codroip tal 2018, editât de Societât Filologjiche Furlane.
La storie, ambientade a Vençon, e tache pôcs dîs prin dal taramot dai 6 di Mai dal 1976. Silvie, che e je ancjemò une fantate, e cîr di capî se l'Orcolat al esist pardabon o se al è dome une liende.
E je une conte di formazion e metafore de trasformazion di un teritori cun precîs riferiments storics, curiositâts e citazions documentadis cun cure.
La presentazion dal libri, tornât a stampâ cun inzornaments, in colaborazion cul Comun di Tumieç, si ten lunis ai 18 di Mai, aes 6 sore sere inte Biblioteche civiche "Adriana Pittoni", vie Renato Del Din 3 a Tumieç.