La Associazion culturâl Nesos e il Comun di Porpêt us invidin ae
presentazion de gnove edizion di prosis e poesiis di Gina Marpillero
(1912-2008), publicade de Societât Filologjiche Furlane inte golaine
"Scritôrs dal Friûl".
La presentazion, che si fasarà vinars ai 27 di
Setembar aes 6 sore sere inte Sale Civiche di Porpêt, e sarà par cure
dal sindic Andrea Dri insiemit cun Fabiano Zaina, fi di Gina Marpillero.
Chê de Marpillero e je une leterature frescje, la lenghe e je sclete,
lis peraulis a àn une musicalitât naturâl e ancjetant naturâl al è il
contest uman e sociâl ch'al sta daûr a la sô scriture.
Cheste antologjie e cjape dentri une schirie di scrits dedicât ae
Basse furlane, la tiere li che Gina e je lade a stâ dopo maridade e il
so secont amôr dopo de Cjargne, li che e jere nassude.
Jentrade libare e vierte a ducj.