Om visionari e straordenari che cun atenzion, cure e dedizion al à dedicade la sô vite a fâ savê che il furlan al à la dignitât di cualsisedi lenghe, Jacopo Pirona insiemi cul nevôt Giulio Andrea nus à lassât il prin Vocabolari de lenghe furlane, un imprest siôr di peraulis, ma soredut siôr di chê vite che daûr des peraulis si disvilupe.
Par cognossi miôr la sô figure il Docuscuele, Centri regjonâl di documentazion ricercje e sperimentazion didatiche pe scuele furlane, cul patrocini de ARLeF, al à metût adun une zornade siore di ativitâts inte cjase li che Pirona al nassè, a Dignan.
Aes 5 daspò misdì
Claputs
Laboratori creatîf pai fruts e pes fameis
Aes 6 sot sere
Jacopo Pirona, inteletuâl e om dal so timp
Presentazion di Jacopo Pirona, tierç volum de golaine “I Cuaders dal Docuscuele” cu lis autoris Donatella Bello e Enza Purino
Aes 7 di sere
Visite a Cjase Pirona in compagnie di Emanuele Cojutti