Tra Paulêt e Datimis su lis olmis dal Thanner.

Visite guidade dai Cors Pratics di Lenghe e Culture furlane de Filologjiche

Menù pe Culture (lis oris a son dal dut indicativis, fale che la prime e la ultime)

Aes 10.00 si darìn dongje a Paulêt li dal Centri Civic (ex Municipi) in Place Libertât, indulà che i Sorestants nus daran il benvignût e Romano Binutti nus introdusarà a la cognossince de vite e de art di Gian Paolo Thanner (artist furlan ma cun non todesc).

Aes 10.30 si spostarìn in machine a Primulà par visitâ la gleseute di S. Colò e o viodarìn lis sôs pituris a fresc che nus fevelin de Pasche (culì sgjâfs archeologjics a àn dât des sorpresis).

Aes 11.00 o larìn a Magredis intal Oratori di S. Pieri e o rimirarìn ancje il famôs “lunari dai mês furlans e des voris”.

Aes 11.30 si spostarìn a Reclûs te glesie di S. Salviestri e S. Eline par viodi la tor che e puarte la scrite sgrifade inte piere che par tant timp e fo tignude pe plui viere in Lenghe furlane e la vecje glesie cuntune des pituris a fresc plui preseadis dal Thanner.

Menù pe Panze

Aes 12.30 si sintarìn par gustâ in companie subit dongje, alì dal Ristorant “LA BAITA” 

(Si domande a ducj i mestris di racomandâ ai corsiscj di telefonâ pe prenotazion dai puescj pal gustâ al 0432 789157 prin dal 7 di Avrîl specificant che si trate dai “Cors di Furlan de Filologjiche”)