La Societât Filologjiche Furlane e à publicât di pôc un gnûf libri ilustrât pai fruts inte golaine di valorizazion dal nestri teritori.
Il libri al è in cinc lenghis (talian, furlan, todesc, inglês e sloven), la storie e je stade scrite di Giovanna Zordan e i dissens a son di Barbara Jelenkovich.
O sin tal Sietcent inte citât di Udin e il protagonist de conte al è Zuandomeni, il fi piçul dal pitôr Zuanbatiste Tiepolo.
I insegnants che a cjaparan part ae XII zornade de scuele furlane, sabide ai 5 di Avrîl, a fasaran ancje lôr un viaç tal timp e tai lûcs de Udin dal Sietcent par lâ a scuvierzi lis maraveis lassadis in citât dai Tiepolo, pari e fi.
Il program de zornade si lu discjame in cheste pagjine a la vôs download o pûr sul sît internet dal Docuscuele, li che si cjatin ancje dutis lis informazions.