La Societât Filologjiche Furlane e promôf la publicazion di Olmis, il diari bilengâl in furlan e talian che al acompagne i arlêfs da lis scuelis furlanis vie par dut l’an scolastic.
Chest diari al è une da lis plui bielis realtâts da la scuele furlane e al costituìs une buine pratiche a nivel nazionâl tal cjamp dai struments par la didatiche da lis e tes lenghis regjonâls. Un strument che si segnale in particolâr par la continuitât di publicazion e par la sô difusion capilâr: fin dal an scolastic 1995-1996, in fat, chest diari al ven realizât e distribuît a gratis in dutis lis scuelis dal Friûl che lu domandin.
Il diari scolastic Olmis al è dongje di simpri a lis peculiaritâts dal Friûl cun argoments di lenghe, culture e tradizion: al è in efiet un diari torzeon par cognossisi e fâsi cognossi, realizât ancje cu la colaborazion da lis scuelis furlanis.
La realizazion dal diari e je par cure dal Docuscuele cul jutori di Magda e Vittorina Carlon, Adriana Cesselli e Odorico Serena.
Cjale la pagjine dal diari Olmis sul sît dal Docuscuele