Publicazion anuâl, rivade a la anade numar 106, il Strolic al va daûr de grande tradizion furlane dai lunaris. Lizêr e variât, al presente contis, poesiis e rubrichis scritis tes tantis varietâts dal furlan.
Il Strolic Furlan pal 2025 e il Lunari pal 2025, metûts adun di Dani Pagnucco, a àn par argoment "Rosis umilis" e nus puartin ae scuvierte dai flôrs plui sempliçs e comuns dal Friûl, fotografâts di Serena Chiapolino e descrits di Alberto Candolini. Tra i 74 autôrs che a àn mandât i lôr scrits, o cjatìn ancje Gianni Colledani, Angelo Floramo, Gianluca Franco, Diego Lavaroni, Laurin Zuan Nardin, Lino Straulino, Celestino Vezzi, Carlo Zanini.
Ancje chest an, il Lunari al è disponibil in dôs versions, une di picjâ tal mûr e une di poiâ su la taule.
La segretarie di redazion e je Elena De Sanctis (mail: formazione@filologicafriulana.it).
Si pues viodi la tabele tal download di cheste pagjine.
Il Strolic al ven mandât a ducj i socis de Societât Filologjiche Furlane in regule cul paiament de cuote sociâl. I socis digjitâi a puedin discjamâlu dal sît.
Si puedin ancje comprâ fassicui singui o numars passâts tal formât di cjarte (par informazions: info@filologicafriulana.it).
Lis anadis de riviste a son stadis digjitalizadis par complet: si puedin consultâ e scjariâ in formât pdf tal link Strolic furlan
ISSN: 1120-916X