La Biblioteche de Societât Filologjiche Furlane e à un patrimoni di 30.000 volums e 400 titui di rivistis. Ta cheste sezion si pues consultâ il
catalic in linie (OPAC), là che si puedin cjatâ lis notiziis sui materiâi che a son tes sedis di Udin e di Gurize.
Il nestri OPAC al è un imprest indispensabil pes ricercjis bibliografichis su la storie, la lenghe e la culture dal Friûl e ancje pes ricercjis su chês altris minorancis lenghistichis (ladins e romançs in particolâr).
Il catalic si pues consultâ jemplant i cjamps su la diestre di cheste sezion.
Si puedin fâ chestis ricercjis:
- Ricercje semplice: il programe al cîr lis peraulis in ducj i cjamps dal catalic;
- Ricercje avanzade: il programe al cîr lis peraulis dome tai cjamps che si specifichin.
Midiant dal catalic in linie e doprant une password che e ven dade de biblioteche, i utents iscrits ae biblioteche a puedin jentrâ intune aree riservade dulà che a puedin salvâ e gjestî lis lôr ricercjis, controlâ la situazion dai prestits e dâ conseis sui libris che si varessin di comprâ.