Sot la Nape e je une riviste trimestrâl, rivade a la anade numar 76, che e presente ai socis e a ducj i letôrs interessâts contribûts divulgatîfs su aspiets de storie, de lenghe e de culture furlane. E je insiorade cuntune vore di riproduzions e imagjins a colôrs.
Il diretôr de riviste al è Gianni Colledani.
Il Comitât di redazion al è componût di Curzio Conti, Loreta de Fornasari, Cristina Di Gleria, Roberto Frisano, Nicola Saccomano, Enrica Scorza, Egle Taverna. La segretarie di redazion e je Elena De Sanctis (mail: formazione@filologicafriulana.it).
La riviste e ven mandade a ducj i socis de Societât Filologjiche Furlane in regule cul paiament de cuote.
Si puedin ancje comprâ fassicui singui o numars vecjos tal formât di cjarte (par informazions: info@filologicafriulana.it).
La riviste e je inseride tal portâl Riviste friulane: si puedin consultâ e scjariâ in formât pdf ducj i articui publicâts, fûr che chei dai ultins trê agns.
Al è in spedizion pai socis il numar 1/2024 (i socis digjitâi a puedin discjamâlu dal sît).
Domenie ai 19 di Mai dal 2024, te Fraie de Vierte, al è stât presentât il numar monografic 2/2024 su For Davuatri, par cure di Novella Del Fabbro e Elisa Cedolini.
Viôt lis tabelis dai doi numars tal download di cheste pagjine.
ISSN: 1120-8961