ll titul di cheste publicazion, che prin si clamave Bollettino della Società Filologica Friulana (dal 1920), al ricuarde il toc dal De vulgari eloquentia (I, 11) li che Dante al fevele des carateristichis linguistichis de regjon furlane.
Ce fastu? e je une riviste di impostazion e contignûts sientifics, rivade ae anade numar 99. E presente lavôrs e contribûts dai miôr specialiscj di linguistiche, filologjie, tradizions popolârs, storie e art che a studiin la identitât etniche e culturâl dal Friûl.
Il diretôr al è Federico Vicario.
Il Comitât sientific al è componût di Silvano Cavazza, Caterina Furlan, Hans Goebl, Gian Paolo Gri, Sabine Heinemann, Ulrike Kindl, Luca Melchior, Mauro Pascolini, Fulvio Salimbeni, Andrea Tilatti, Laura Vanelli, Matteo Venier, Gabriele Zanello.
La segretarie di redazion e je Elena De Sanctis (mail: formazione@filologicafriulana.it). Lis traduzions dai sunts par inglês a son di Deborah Saidero.
Par ducj i socis, i fassicui a son a disposizion te sede de Societât Filologjiche Furlane.
Si puedin ancje comprâ fassicui o numars vecjos tal formât di cjarte (par informazions info@filologicafriulana.it).
La riviste e je inseride tal portâl Riviste friulane: si puedin consultâ e scjariâ in formât pdf ducj i articui publicâts, fûr che chei dai ultins trê agns.
Al è disponibil il numar 1-2 dal 2023. I socis digjitâi a puedin discjamâlu dal sît a chest link.
Si pues viodi la tabele tal download di cheste pagjine.
Ce fastu? al è inserît te liste europeane ERIH PLUS (European Reference Index for the Humanities and Social Sciences) e The Nordic List (Norwegian Register for Scientific Journals, Series and Publishers).
ISSN 1828-4302