Cors di formazion par insegnants

I cors par insegnants de Societât Filologjiche Furlane a son increditâts dal Ufici Scolastic Regjonâl pal Friûl Vignesie Julie. 

La Societât Filologjiche Furlane, cul fin di promovi a plen la atuazion des normativis di tutele da la lenghe furlane tal mont de scuele, e organize e e invie cors e ativitâts di formazion par insegnants midiant dal Centri di documentazion, ricercje e sperimentazion didatiche pe scuele furlane (Docuscuele). 

Lis  ativitâts di formazion promovudis dal Centri di documentazion de Societât Filologjiche Furlane a son increditadis dal Ufici Scolastic Regjonâl pal Friûl Vignesie Julie daûr de Diretive Ministeriâl nr. 170 dai  21.03.2016 e a costituissin titul culturâl pe amission ae Liste regjonâl dai insegnants cun competencis di lenghe furlane (L.R. 29/2007). 

Par vê plui informazions su Docuscuele e su lis ativitâts di formazion pai insegnants consulte i link in bande.