La gnot di Sant Zuan e je la ocasion perfete par cjapâ sù lis jerbis dal mac, talisman naturâl di grant podê che al misclice crodincis antigonis cun savês confermâts dal pont di viste sientific.
Miercus ai 24 di Jugn, aes 6 e mieze sot sere intal Salon d'onôr di Palaç Mantica, sede de Societât Filologjiche Furlane in vie Manin 18 a Udin, si fâs un incuintri cun Francesca Venuti, farmaciste e tecnolighe alimentâr, specializade in fitoterapie.
Vie pe serade la esperte e presentarà lis proprietâts terapeutichis di cualchidune des jerbis plui impuartantis che si doprin pal mac, lant a scandaiâ ancje il lôr simbolisim e cemût che a son stadis dopradis vie pai secui.
L’event al è sore nuie e al jentre dentri te rassegne In file a Udin. Incontri tra cultura e tradizione te capitâl dal Friûl, inmaneade cul contribût dal Comun di Udin te suaze de manifestazion Udine Estate.
Par informazions e par notâsi: 0432 501598 int. 6, docuscuele@scuelefurlane.it