Ancje chest an cetancj fruts des scuelis primariis a àn cjatât sul banc di scuele un amì pront a compagnâju te aventure dal gnûf an scuelastic.
O fevelìn dal "diari torzeon" Olmis, une tradizion rivade ae edizion numar 32 che, come che nus dîs il titul, i plâs di lâ ator pal Friûl tant che un barcon viert sui mil e mil moments ch’a componin la nestre culture e identitât.
Chest an l’Olmis nus fevele di sience, in gracie de colaborazion cun Letizia Diamante, ricercjadore furlane a Cambridge, e cu lis ilustrazions di Elena Veronesi. I fruts a podaran imparâ cetantis robis su lis stagjons, sul mont dai nemâi e des plantis, sul colôr des sfueis, su la nêf e vie indevant.
Chest an e jentre ancje la lenghe inglese e par regâl a son i adesîfs a colôrs.
A ducj i arlêfs dal Friûl, la Societât Filologjiche Furlane ur augure un bon an scolastic!