Al è timp fin a misdì dai 31 di Otubar par partecipâ al Premi intitulât al scritôr furlan di Cormons Dolfo Zorzut (1894-1960), che al è dât fûr ogni doi agns dal Comun di Cormons in colaborazion cu la Associazion cormonese “Amîs da Mont Quarine”, cu la Societât Filologjiche Furlane e cu la ARLeF.
Il Premi si divît in trê sezions: narative, poesie, students.
Lis voris a puedin jessi scritis par talian, furlan, sloven, todesc, bisiac e graisan.
Il teme de VIII edizion al è Confini immaginari / Confins imagjinaris / Namišljene meje / Imaginäre Grenzen / Cunfini imaginari.
Il bant par intîr si pues discjamâlu a la vôs download in cheste pagjine e te sezion dal premi sul sît internet dal Comun di Cormons.