Tal fonts cartulinis de Societât Filologjiche Furlane a son cartulinis storichis dal Nûfcent, dai prins decenis fin ai agns Otante, spedidis e non. Za tai prins agns dopo de sô fondazion, la Societât Filologjiche Furlane e à promovût la racuelte di cartulinis di diviersis zonis dal Friûl. A cheste racuelte a àn contribuît i amîs e i socis de Societât che a àn scoltât i apei che a vignivin publicâts su la riviste sociâl Ce fastu? Tai agns dopo la colezion e cressè inmò e si tacà a tignî un elenc dai nons des localitâts che a jerin rapresentadis tes cartulinis e di cui che lis veve regaladis. Si le indenant a tirâ dongje cartulinis fin ai agns Trente. Tai ultins agns la racuelte e à tornât a cjapâ pît cun gnovis donazions di bande di socis e amîs dal Sodalizi.
Ore presint tal fonts, che al è un dai plui grancj e dai miôr conservâts di dute la regjon, a son plui di 2.000 cartulinis cu lis fotografiis di viis, placis, cjasis e paisaçs dai nestris paîs ma ancje cu lis imagjinis dai costums furlans.