Inte suaze de produzion editoriâl de Societât Filologjiche, i Numars Unics a ocupin un puest speciâl.
Ae localitât là che si davuelç ogni an il Congrès i ven dedicât un
volum monografic cuntune vore di saçs e contribûts sul teritori, su la
storie, sul ambient, su la lenghe e la culture locâl: une golaine di
publicazions, fûr dal ordenari, une piçule enciclopedie dal nestri
Friûl.
La publicazion dal Numar Unic e je, par un paîs, l’ocasion par tornâ a
scuvierzi lis sôs lidrîs, la sô identitât, il so patrimoni artistic, il
paisaç, la sô culture e lis sôs tradizions.
Plui di 3.000 articui e 40.000 pagjinis digjitalizadis che nus dan un cuadri complet de storie e de culture dal nestri teritori.
Tal catalic in linie o podês cjatâ la descrizion di ducj i articui e
discjamâ i tescj disponibii in pdf publicâts dal 1923 (an dal prin Numar
Unic di Tumieç) incà.