Doprâ la ricercje visuâl tant che setôr autonom, dotât di caratars e metodologjiis propris par documentâ lis culturis tradizionâls destinadis a cambiâ in pôc timp. Chest sburt al fo cjapât sù in Friûl di Andreina Nicoloso Ciceri e Olivia Averso Pellis. Lis dôs studiosis a cjaminarin pes stradis dal Friûl par ducj i agns Setante. Tra i struments di ricercje sul cjamp, sielzûts des dôs studiosis, a forin ancje la machine fotografiche e la cineprese Super 8.
Tal periodi ’72 -’75 lis studiosis Ciceri-Pellis si dedicarin a la realizazion di 8 video-documents:
-
La novena di Kras di Drenchia (1972)
- Il pan e vin (1973, Budoia)
- Aspetti del carnevale del Friuli orientale (1973)
- La festa dei vent'anni (1973, Lucinico, Alesso)
Il bacio delle croci (1973, Zuglio)
- Las cidules (1973)
El mac di San Zuan (1973; Cercivento)
- Croci sul Vajont (1975
I materiâi cjapâts sù a forin po montâts in studi cuntune intenzion didatiche e sonorizâts de vôs dal naratôr, fûr cjamp, di Andreina Ciceri che e comentave lis imagjinis cun osservazions di caratar antropologjic riferidis a la situazion osservade, ma ancje a dute la Regjon. Ta cualchi secuence i filmâts a conservin l’audio dal vîf che al torne a creâ il paisaç sonôr origjinâl e duncje particolarmentri interessant. No mancje la ricostruzion di senis fatis di pueste par supuartâ il coment antropologjic.
Cumò i filmâts a son stâts catalogâts daûr dal standard ICCD e
digjitalizâts e si puedin cjalâ diretementri in linie fracant sul
boton zâl parsore vie.
Par valorizâ chescj documentaris dentri dal progjet Video Memoriis dal Friûl a son stâts organizâts sîs incuintris di proiezion tai paîs che a son stâts ogjet di studi dai documentaris. Il video di presentazion dal progjet, che al met adun parts dai filmâts origjinâi e un struc dai incuintris, si pues viodilu fracant il link in bande.