Tal centenari de prime vuere mondiâl, la Societât Filologjiche Furlane e à promovût il progjet educatîf e didatic Cognossìn la Grande Vuere in Friûl Vignesie Julie, pai arlêfs des scuelis primariis e secondariis inferiôrs dal Friûl.
L' obietîf di fonde dal progjet al è stât chel di aprofondî la cognossince dai fats peâts ae Grande Vuere, midiant clâfs di leture des causis e des consecuencis che chest avigniment cussì tant dramatic al à vût te storie dal Nûfcent, massime sul teritori de nestre regjon.
Le ativitâts metudis in vore a son stadis:
- seminaris di formazion a creditâts pai insegnants
- laboratoris didatics pai students des scuelis dal Friûl
- publicazion di fassicui didatics di aprofondiment
- realizazion di une plateforme didatiche "Grande Guerra in Friuli Venezia Giulia"
- videos-documentaris di aprofondiment.
Cognossìn la Grande Vuere in Friûl Vignesie Julie al è stât l'unic progjet finanziât in ducj i Bants anuâi promovûts de Regjon autonome Friûl Vignesie Julie ai sens de Leç Regjonâl 11/2013.
A man drete i colegaments indulà che si pues viodi lis ativitâts che a son stadis fatis e i materiâi produsûts an par an.
Ducj i fassicui didatics a son stâts racuelts e publicâts intun sôl volum ch'al à par titul 1914-1918 Grande Guerra in Friuli Venezia Giulia.