Il Decret Leç dai 23 di Lui dal 2021, n. 105, al à introdusût l'oblic dal cussì clamât green pass par ciertis tipologjiis di ativitâts e, tra chestis, l'ingrès tai lûcs e tai istitûts di culture: in cheste categorie a jentrin ancje lis sedis de Societât Filologjiche Furlane.
O visìn duncje che, cui 6 di Avost dal 2021, par jentrâ in dutis lis struturis de nestre sede di Udin, Palaç Mantica (Segretarie e Bookshop, Biblioteche, uficis) e di chês altris sedis de Societât al covente mostrâ cheste certificazion insiemi cuntun document di identitât.
Daûr dal DPCM dai 17 di Jugn dal 2021, la verifiche des certificazions verdis Covid-19 al sarà fat midiant de leture dal QR-code cul fin di controlâ la autenticitât, la validitât e la integritât de certificazion e di cognossi lis gjeneralitâts dal intestatari, cence rindi visibilis lis informazions che a 'nd àn determinât la emission.
Tal câs che no si vedi il document, o che nol sedi valit, no si podarà jentrâ intes sedis de Societât.