Gnovis dal Docuscuele, il Centri regjonâl di documentazion ricercje e sperimentazion didatiche pe scuele furlane!
Dopo dal volum Peravali', la gnove antologjie didatiche de leterature furlane, la golaine I cuaders dal Docuscuele si inricjìs di un gnûf "cuader", il secont.
Cjantìno? e je une antologjie di cjantis in lenghe furlane pe scuele de infanzie, primarie e secondarie di prin grât par cure di Arianna Plazzotta, che e insiore i materiâi musicâi pe scuele che la Societât Filologjiche Furlane e à publicât tai agns.
Un imprest pai insegnants di podê doprâ ancje intes scuelis di musiche e cui côrs di vôs blancjis. I cjants a son presentâts in plui versions, in maniere di podê insegnâju a fruts e fantats di etâts e competencis musicâls diferentis.
Informazions sui volums tai links in cheste pagjine.