Sêstu un docent? Tu puedis doprâ il BONUS DOCENTE par comprâ i libris de Societât Filologjiche Furlane!
Ce ise la Cjarte dal docent?
E je une iniziative dal Ministeri de Istruzion, de Universitât e de
Ricercje previodude dal articul 1 come 121 de leç 107 dai 13 di Lui dal
2016, che e istituìs la cjarte eletroniche pal inzornament e la
formazion dai docents di rûl des istituzions scuelastichis.
Ce si puedial comprâ cu la cjarte?
La cjarte si pues doprâle par comprâ cualsisei publicazion de Societât Filologjiche Furlane.
Cui sono i beneficiaris?
La cjarte e je assegnade ai docents di rûl a timp indeterminât des
istituzions scuelastichis statâls, sedi a timp plen sedi a timp parziâl,
comprendûts i docents che a son in formazion o in prove, i docents
declarâts inidonis par resons di salût (art. 514 dal
Dlgs.16/04/94, n.297, e modifichis sucessivis), i docents in posizion
di comant, distac, fûr dal rûl o cun altris funzions, i docents des scuelis tal forest, des scuelis militârs.
Cemût si doprie la cjarte?
1. Vierç il to bon "Cjarte dal docente" par un impuart intîr (es. 15,00 € e no 15,50 €)
2. Jentre intal sît https://cartadeldocente.istruzione.it e, dal Menu, va a la pagjine "crea buono"
3. Selezione la icone de tipologjie ONLINE e l'ambit "LIBRI E TESTI (anche in formato digitale)"
4. Il bon al sarà compagnât di un codiç identificatîf (QR code, codiç a baris e codiç alfanumeric)
5. Il codiç alfanumeric si varà di stampâlu, mostrâlu e mandâlu a la Societât Filologjiche Furlane
Atenzion!
Visiti che:
- lis spesis di spedizion no si contin intai bogns de cjarte dal docent, duncje al à di paiâlis il client
- i bogns a son nominâi e al pues doprâju dome l'intestatari
- i bogns di impuart superiôr al presit dai volums comprâts no dan dirit a ricevi bêçs di rest
Par vê plui informazions, visite la sezion FAQ dal sît cartadeldocente.istruzione.it