Par permeti la plui largje partecipazion, al è stât prorogât fin ai 28 di Fevrâr il timp al concors di poesie in memorie dal scritôr Eugenio Pilutti, promovût de Comission Culture dal Comun di Roncjis e patrocinât ancje de Societât Filologjiche Furlane.
Il concors, che al intint slargjâ l'interès pe poesie in lenghe furlane jenfri lis gnovis gjenerazions, al è viert a ducj i zovins dai 15 ai 25 agns, che a puedin partecipâ cun al massim trê poesiis parom in lenghe furlane compagnadis de traduzion par talian. Il teme di cheste III edizion al è "Fevele cun me".
Lis voris a àn di rivâ a la direzion mail commissionecultura@comune.ronchis.ud.it