Domenie ai 21 di Dicembar aes 6 daspò misdì inte sale des riunions dai uficis dal Comun di Clausîet si presentarà il volum Contes asìnes di Gianni Colledani, publicât de Societât Filologjiche Furlane - in co-edizion cul Comun di Clausîet - inte golaine Agâr. Il volum al cjape dentri lis contis che l'autôr al à scrit pal Strolic furlan dal 2017 al 2026: dîs agns di Strolic, dodis contis par ogni an, scritis dutis inte varietât furlane di Clausîet.
L’autôr al conte storiis popolârs, di un timp che nol è plui: agns di vite contadine, di emigrazion e di miserie.
Daspò al vignarà presentât il Strolic furlan pal 2026 cui intervents dal curadôr Dani Pagnucco, di Gianni Colledani e di Claudio Petris.
Parsore, la glesie di Sant jacum apuestul a Clausîet (foto Denis Scarpante).