In colaborazion cu la Associazion Culturâr "Tra Storia e Memoria", si presente la antologjie des poesiis par furlan di Renato Iacumin, editade de Societât Filologjiche Furlane.
Al presente il professôr Ferruccio Tassin, curadôr dal libri.
O sês ducj invidâts a partecipâ.
Il libri al cjape dentri lis poesiis di Renato Iacumin, di Aquilee (1941-2012), che al à puartât la lenghe furlane tal mont e il mont te poesie furlane. La sô maniere di scrivi e je buine di cjareçâ personis, animâi, ambients e robis, cun messaçs une vore fuarts che no si pierdin dome tal sens estetic.