Ai 7 di Otubar nus à lassâts bonsignôr Gian Carlo Menis, archeolic, cultôr e studiôs di storie locâl, soci benemerit de Societât Filologjiche Furlane.
Pe nestre Societât al à vût scrit la innomenade Storie dal Friûl, che la prime edizion e je dal 1969. La Filologjiche e à volût fâi fieste tal 2017, pai siei 90 agns, cu la publicazion dal volum I Patriarcjis di Aquilee e il Stât patriarcjâl furlan, intant che tal 2019 al è vignût fûr un volumut in ricuart di so pari, Pieri Menis. Un pas indenant te culture furlane.
Lu ricuardìn cuntun percors di siei scrits vignûts fûr su lis rivistis furlanis, che si puedin lei e discjamâ in maniere libare jentrant achì.
Inte foto, il sindic di Buie al consegne a bons. Menis un ricognossiment pai siei novante agns, ai 10 di Dicembar dal 2017, in ocasion de presentazion dal libri "I Patriarcjis di Aquilee e il Stât patriarcjâl furlan" (Archivi fotografic de Societât Filologjiche Furlane).