No son peraulis. Mi fermi a doi moments, ma no pues dismenteâ i miei amîs argjentins, che tal 2022 ur ai dedicât l’arîf a Madone di Mont cu la Beade Vergjine Nere, riprodote ancje a Buenos Aires. A lis prossimis! Mandi!
Cun chestis peraulis Enzo Cainero al sierave il so contribût sul Strolic Furlan pal 2023, il secont di une colaborazion tacade l'an prin e che e sarès dal sigûr lade indevant ancje tal avignî.
L'an passât al veve ancje partecipât ae nestre Setemane de culture furlane, intervistât de gjornaliste Martina Delpiccolo sul Zîr d'Italie in Friûl, ai 7 di Mai a Tarcint (la fotografie achì parsore e je stade fate propit in chê ocasion).
La Societât Filologjiche Furlane e partecipe al corot pe sô pierdite e lu ricuarde propit cui siei scrits sul Strolic Furlan, che si puedin discjamâ in cheste pagjine.