Fâ sù un puint tra il Friûl e lis comunitâts di emigrâts tal forest e i lôr dissendents, metint a disposizion un strument par imparâ la lenghe ma soredut une oportunitât par scoltâ il furlan e par esercitâsi a fevelâlu.
Al è chest un dai obietîfs de prime edizion dai doi cors gratuits di lenghe furlane par inglês e spagnûl presentade inte conference stampe a Palaç Mantica a Udin e metûts in pîts de Societât Filologjiche Furlane, cul finanziament de Agjenzie Regjonâl pe Lenghe Furlane e in colaborazion cul Ent Friûl intal Mont.
Tacant des 9 di buinore dai 28 di Otubar al vignarà ativât il Basic course of Friulian language, destinât a un public di lenghe inglese, soredut par chei che si cjatin intai Stâts Unîts, Canadà o Australie (ma ancje par chei che a doprin l’inglês tant che lenghe francje e a varessin gust di svicinâsi al furlan), intant che ai 29 di Otubar, aes 5 daspò misdì, e vignarà fate la presentazion dal Curso básico di lengua furlane, in lenghe spagnole, cun target specific i utents de Americhe Latine.
Par vê plui informazions e pes iscrizions, frache achì e jentre inte pagjine dal CORS PRATIC ON LINE.