Il CIRF (Centri Interdipartimentâl pal Svilup de Lenghe e de Culture dal Friûl) de Universitât dal Friûl al organize un cors di lenghe e culture furlane pai students dal Ateneu e par ducj i zovins interessâts, in colaborazion cu la Agjenzie Regjonâl pe Lenghe Furlane (ARLeF), la Societât Filologjiche Furlane e la Cooperative Informazione Friulana/Radio Onde Furlane.
Il percors formatîf al scomençarà ai 30 di Avost e al larà indevant fin ai 20 di Setembar 2021, ducj i lunis e i miercus, des 15.30 aes 18.30.
Il cors si tignarà in presince, inte Sale Gusmani di Palaç Antonini (vie Petracco 8, Udin) ma ancje in linie, su plateforme informatiche Microsoft Teams.
Par vê informazions e par notâsi si pues clamâ il CIRF al numar 0432 556480 o ben mandâ un messaç di pueste eletroniche a cirf@uniud.it e/o sportel.furlan@uniud.it
Plui detais sul sît istituzionâl www.cirf.uniud.it o su la pagjine Facebook “Uniud par Furlan”.
Te sezion download in cheste pagjine si puedin discjamâ il manifest dal cors e la schede di iscrizion.