In pocjis oris o vin esaurît ducj i puescj disponibii, si che nol è plui pussibil acetâ altris iscrizions. Se o sês interessâts a partecipâ a lis prossimis edizions, mandait une email cui vuestris contats a la direzion formazione@filologicafriulana.it
Une gnove propueste par imparâ la lenghe furlane a distance!
La Societât Filologjiche Furlane, cu la poie de ARLeF - Agjenzie Regjonâl pe Lenghe Furlane, e à metût sù un gnûf cors in linie.
Il cors si davuelç in 10 setemanis cu la propueste di chestis ativitâts (su plateforme Moodle):
- piçui videos di introduzion ae storie dal Friûl;
- piçui videos di spiegazion des regulis di gramatiche;
- esercitazions di comprension dai tescj e de gramatiche;
- piçul test finâl par podê passâ ae ativitât sucessive.
Al vignarà ativât ancje un forum di discussion cul tutor dal cors.
Cun di plui a son in prevision 3 incuintris su plateforme Zoom, sù par jù di un'ore ognidun, par sburtâ l’interazion orâl cul tutor e cun chei altris corsiscj cul obietîf di fâ esercizi tal fevelâ.
Il cors al tache lunis ai 8 di Fevrâr dal 2021 a 6 di sere (incuintri di presentazion su Zoom) e al è viert a ducj i interessâts: i puescj a disposizion a son 90. ISCRIZIONS SIERADIS
Par informazions domandâ al Ufici Formazion de Societât Filologjiche Furlane
Rif. Elena De Sanctis, tel. 0432 501598 int. 3, formazione@filologicafriulana.it