Ugo Pellis si presente ai fruts:
«O soi il prin promotôr e realizadôr de fondazion de Societât Filologjiche Furlane, e o soi ancje il so president dal 1920 al 1923.
O cjapi part a la ideazion, formulazion e redazion dal innomenât Atlant Lenghistic Talian (ALI) e o fâs cetancj viaçs par vie des mês ricercjis; par disevot agns o soi in Sardegne par documentâ cu lis mês fotografiis la lenghe e la culture de isule. O fâs cetancj rilevaments lenghistics ancje in Istrie e Dalmazie.
O lassi une grande cuantitât di materiâl di caratar lenghistic e fotografic, che la Filologjiche e ten adun intun grant archivi».
Ti propon une des mês tantis poesiis, che e pant il gno amôr pe nestre marilenghe:
CHESTA LENGA
J vuèi ben a 'sta lenga
rùspia e dura, 'l è vèr, come li' pichis da monz,
fuarta, che sa 'l sbusinòr dai flums che savòltin li' gravis,
ma che sul fonz dal cur ciata ancia tanc' di chei suns
fins come vòs di ucilùz pitinins che zisìchin ta zisis,
quant che cu 'n grum di sticùz fasin al nit pai nassinz.
Santa 'a mi è chesta lenga che ài imparat di me mari.