Gnovis dal Docuscuele, il Centri regjonâl di documentazion ricercje e sperimentazion didatiche pe scuele furlane!
Dopo dai volums Peravali' (antologjie didatiche de leterature furlane), Cjantìno? (antologjie di cjantis in lenghe furlane), Jacopo Pirona e Art par furlan, la golaine I cuaders dal Docuscuele si inricjìs di doi titui gnûfs, componûts di un cuader didatic e di un fumet: Il Nûfcent di Ugo tra storie e peraulis, dedicât al lenghist Ugo Pellis e a la opare da ALI (Atlant Lenghistic Talian) e Ti racconto il Vajont/Ti conti il Vaiont, par cognossi une pagjine cetant tragjiche de storie dal nestri Friûl.
Par informazions: Docuscuele - Centri regjonâl di documentazion ricercje e sperimentazion didatiche pe scuele furlane li de Societât Filologjiche Furlane vie Manin 18 - 33100 Udin tel. 0432 501598 int.5 info@scuelefurlane.it www.scuelefurlane.it