La Societât Filologjiche Furlane, che e à dât il patrocini a la iniziative, e à il plasê di invidâUs a visitâ la mostre dai cuadris e dai dissens di Ermete Zardini (Tite Robul), metude sù inte sede de Societât Cormonese Austrie in vie Matteotti 14 a Cormons.
Tes sôs oparis, Zardini al à piturât lis bielecis dal teritori di Cormòns, li che al nassè tal 1848 e li che al à vivût fin a la muart (1940).
Cu lis sôs poesiis al à contât, ogni tant cuntun tic di ironie, avigniments, tradizions e particolârs di vite a Comòns.
Tes edizions de Filologjiche a son publicâts diviers tescj di Tite Robul, che si puedin lei e discjamâ in maniere libare jentrant tal percors bibliografic a mieç dal link in cheste pagjine.